حکومت بلوچستان نوٹیفکیشن 21-08-2026

بر

کویٹہ 21 آگست
حکومت بلوچستان کے ایک نوٹیفکیشن کے مطابق
بلوچستان گورنمنٹ رولز آف بزنس 2012ء اور ‘بلوچستان ٹیکنیکل ایجوکیشن اینڈ ووکیشنل ٹریننگ اتھارٹی (ترمییمی) ایکٹ 2026ء’ کی متعلقہ شقوں کے تحت تفویض کردہ اختیارات کو استعمال کرتے
ہوئے تمام ٹیکنیکل اینڈ ووکیشنل ایجوکیشن اینڈ ٹریننگ (TVET) ادارے، جو پہلے مختلف انتظامی سیٹ اپس کے تحت کام کر رہے تھے، اب ‘بلوچستان ٹیکنیکل ایجوکیشن اینڈ ووکیشنل ٹریننگ اتھارٹی’ (B-TEVTA) کے ریگولیٹری اور آپریشنل کنٹرول کے تحت دوبارہ منظم کیے جائیں گے:
* (a) ڈائریکٹوریٹ آف مین پاور ٹریننگ کے تحت آنے والے ادارے؛
* (b) صنعت و تجارت کے شعبے (ڈائریکٹوریٹ آف ٹریننگ) کے تحت کام کرنے والے تمام TVET ادارے؛
* (c) کالجز، ہائر اینڈ ٹیکنیکل ایجوکیشن ڈیپارٹمنٹ کے انتظامی کنٹرول کے تحت کام کرنے والے تمام پولی ٹیکنک، مونو ٹیکنک انسٹی ٹیوٹس اور گورنمنٹ کالجز آف ٹیکنالوجی؛
* (d) حکومتِ بلوچستان کی طرف سے وقتً فوقتً نوٹیفائی کیا جانے والا کوئی بھی دوسرا پبلک سیکٹر TVET ادارہ۔
* بلوچستان میں مذکورہ بالا تمام TVET ادارے، بشمول کالجز، اسکولز، پولی ٹیکنکس اور ٹریننگ سینٹرز، اب B-TEVTA کے آپریشنل کنٹرول میں ہوں گے۔ B-TEVTA تمام TVET اداروں پر آپریشنل کنٹرول حاصل کرے گا اور مذکورہ ایکٹ کے تحت تفویض کردہ تمام امور اور اختیارات کو استعمال کرے گا۔
* تمام انتظامی کنٹرول، بشمول اسٹیبلشمنٹ کے امور، سروس سٹرکچر، اور مین پاور مینجمنٹ، حکومتِ بلوچستان کے ‘محکمہ محنت و افرادی قوت’ کے پاس ہوں گے۔
* مدغم شدہ TVET اداروں اور ختم کیے گئے بورڈ (بلوچستان بورڈ آف ٹیکنیکل اینڈ ووکیشنل ایجوکیشن) کے تمام اثاثے، حقوق، املاک، ریکارڈ، جاری منصوبے اور مالیاتی ذمہ داریاں خود بخود B-TEVTA اور BTEVAB کو منتقل ہو جائیں گی، جیسا کہ مذکورہ ایکٹ کے تحت لاگو ہو۔
* بلوچستان ٹیکنیکل ایجوکیشن اینڈ ووکیشنل ٹریننگ اتھارٹی (B-TEVTA) کے مالیاتی امور کو حکومتِ بلوچستان کے ‘محکمہ محنت و افرادی قوت’ کی طرف سے انتظامی طور پر کنٹرول کیا جائے گا۔