پاکستان تحریک انصاف صادق آغا

پاکستان کی خوشحالی
کیلئے عمران خان کی رہائی
ضروری ہے۔ سید صادق آغا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پانچ اگست کو بلوچستان
سمیت ملک بھر میں تحریک
انصاف کے زیر اہتمام بھرپور
احتجاج کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
داؤد شاہ کاکڑ اور جہانگیر
رند کی قیادت میں
بلوچستان میں بھی بھر پور
احتجاج ھوگا۔ سنئیر نائب صدر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئٹہ : پاکستان تحریک انصاف بلوچستان کے صوبائی سینئر نائب صدر اور معروف قبائلی شخصیت سید صادق آغا نے کہا ہے کہ پانچ اگست 2023 پاکستان کی سیاسی تاریخ کا ایک انتہائی افسوسناک دن ہے، جب ملک کے سابق وزیراعظم اور تحریک انصاف کے بانی عمران خان کو گرفتار کیا گیا۔ اس واقعے کے بعد ملک مسلسل سیاسی، آئینی اور معاشی عدم استحکام کا شکار رہا، جس کے منفی اثرات آج بھی عوام بھگت رہے ہیں۔انہوں نے کہا کہ عمران خان کی مسلسل قید نہ صرف کروڑوں پاکستانیوں کے جذبات کو مجروح کر رہی ہے بلکہ اس سے جمہوری عمل، قانون کی بالادستی اور عوامی اعتماد بھی متاثر ہوا ہے۔ انہوں نے مطالبہ کیا کہ عمران خان سمیت تمام سیاسی کارکنوں کو فوری طور پر رہا کیا جائے تاکہ ملک میں سیاسی کشیدگی کا خاتمہ اور قومی مفاہمت کی راہ ہموار ہو سکے۔ سید صادق آغا نے کہا کہ تحریک انصاف کی مرکزی قیادت کی ہدایت پر 5 اگست کو بلوچستان سمیت ملک بھر میں پرامن اور بھرپور احتجاج کیا جائے گا۔ اس احتجاج کا مقصد آئین و قانون کی بالادستی، حقیقی جمہوریت، عوام کے بنیادی حقوق اور عمران خان کی رہائی کا مطالبہ کرنا ہے۔انہوں نے کہا کہ گزشتہ تین برسوں کے دوران سیاسی عدم استحکام، مہنگائی، بے روزگاری، سرمایہ کاری میں کمی، صنعتوں کی بندش اور ہنر مند نوجوانوں کی بیرون ملک ہجرت نے ملک کو شدید نقصان پہنچایا ہے۔ پاکستان قدرتی وسائل اور باصلاحیت افرادی قوت سے مالا مال ہے، مگر ترقی کے لیے سیاسی استحکام، شفاف انصاف اور مضبوط جمہوری نظام ناگزیر ہیں۔ سید صادق آغا نے بلوچستان سمیت ملک بھر کے عوام اور تحریک انصاف کے کارکنوں سے اپیل کی کہ وہ 5 اگست کے ملک گیر احتجاج میں بھرپور، منظم اور پرامن انداز میں شرکت کرکے جمہوریت، آئین، عوامی حقوق اور عمران خان کی رہائی کے لیے اپنی آواز بلند کریں۔ انہوں نے کہا کہ قوم کا اتحاد ہی پاکستان کو موجودہ بحرانوں سے نکال کر ترقی، خوشحالی اور استحکام کی راہ پر گامزن کر سکتا ہے۔