تربت وزیر منصوبہ میر ظہور بلیدی

تربت: صوبائی وزیرِ منصوبہ بندی و ترقیات میر ظہور احمد بلیدی نے تربت میں مختلف سوگوار خاندانوں سے ملاقات کر کے تعزیت اور فاتحہ خوانی کی۔ صوبائی وزیر نے ڈاکٹر اکبر ملک، ارشاد ملک اور امداد ملک کے گھر جا کر ان کی والدہ محترمہ کے انتقال پر تعزیت کا اظہار کیا اور مرحومہ کے ایصالِ ثواب کے لیے فاتحہ خوانی کی۔ اس کے علاوہ انہوں نے اعجاز علی جوسکی کے بھتیجے کے انتقال پر بھی ان کے اہلِ خانہ سے تعزیت و افسوس کیا۔ اس موقع پر انہوں نے مرحومین کی مغفرت، درجات کی بلندی اور پسماندگان کے لیے صبرِ جمیل کی دعا کی۔